«Отбасылық құндылықтарды қалыптастыру» тақырыбында өтетін аудандық семинардың жоспары

«Ақмола облысы білім басқармасының Ерейментау ауданы бойынша білім бөлімі Бозтал ауылының жалпы орта білім беретін мектебі» КММ-сі бойынша отбасы клубы жұмысы бойынша «Отбасылық құндылықтарды қалыптастыру» тақырыбында өтетін аудандық семинардың жоспары

2022-2023 оқу жылы. 04 қараша.

                                          Семинардың ашылуы:

С.Р.Ж. Қайырлы күн, Семинарға қатысушы  құрметті қонақтар, әріптестер, мектебімізге қош келдіңіздер!

№1. «Отбасылық құндылықтарды қалыптастыру», мақсаты, міндеттері, күтілетін нәтижесі шығып отырады.

Бүгінгі күні мектебімізде  Ерейментау аудандық білім бөлімінің жоспарына сәйкес «Отбасылық құндылықтарды қалыптастыру» тақырыбында аудан мектептері арасында  алғаш рет  отбасылық клубтар жұмысы бойынша семинар ұйымдастырылып отыр.

• Біздің отбасылық клуб: «Аялы алақан» деп аталады. Мақсаты: Отбасылық құндылықтарды сақтау, ата-аналардың жасөспірімдер арасында құқықбұзушылықтың алдын алу шараларын ұйымдастырудағы рөлін арттыру. Ата-ана мен бала арасындағы және отбасы мүшелерінің бір-біріне жақсы қарым-қатынастарын орнату. Қамқоршыларға құрмет әрі қолдау көрсету.
• Міндеттері: Тәрбие процесін ұйымдастыруда және басқаруда мектепке көмек көрсету. Отбасылық тәрбиенің жақсы жақтарын насихаттау.

• Күтілетін нәтиже: Өз ұлтының әдет-ғұрыптарын, салт-дәстүрлерін қастерлейтін; өз ойын ашық жеткізетін, көпшілік алдында сөйлей білетін білімді, саналы, ата-ананы, отбасын, өмір құндылықтарын құрметтейтін тұлға қалыптасады.

Отбасылық құндылықтар дегеніміз-отбасын құрып, мықты шаңырақ болу мен бала тәрбиелеуде қолданылатын ежелден келе жатқан ұстанымдар. Отбасы құндылықтары: өзара сыйластық, қолдау, адалдық, түсіністік, үлкенге-ізет, кішіге-құрмет, ауызбіршілік, сенім арту т.б. Отбасылық дәстүрлі құндылықтарға: салт-дәстүрлер, әдет-ғұрыптар, даналық сөздер, тыйым сөздер жатады. Жас ұрпақты отбасылық құндылықтарымызды бағалауға, оларды сақтай отырып, келер ұрпаққа жеткізуге тәрбиелеу бүгінгі күннің өзекті мәселесі дер едім.

№2. Пролог: «Отбасы-бақыт мекенім» видеоролик көрсетіледі.

№3. «Ашық есік күні» .

2022-2023 оқу жылында тәрбие жоспарына арнайы «Үштік одақ» жобасы енгізілген болатын. Сол жоба аясында мектебімізде ата-аналар үшін  қазан айының 18-і күні «Мектеп тәрбиесіндегі ата-ананың рөлі» тақырыбында және оқу-тәрбие жұмысын жан-жақты бақылау, ата-аналар үшін педагогикалық ағарту ісін ұйымдастыру, отбасылық қоғамды мектеп қызметіне белсене араласуға тарту мақсатында «Ашық есік күні» өткізілді. Ата-аналар сынып сағаттарына, сабақтарға қатысып, пән мұғалімдерімен кездесіп сұхбаттасты. Мектеп психологі Асқарова М.Ж. ұйымдастырған көңілді тренингтеріне белсене қатысты. Ұйымдастырушыларға өз ризашылықтарын білдірді. (видеоролик көрсетіледі сол күннен)

№4. СРЖ: «Қайырымдылық жасасаң, қайырын өзің көресің»,- дейді қазақ. Иә, жоқ-жітікке қарасу, жылағанды жұбату, сүрінгенді сүйеу, мұқтаждардың талған өзегіне талғажау табу –халқымыздың бойында ежелден қалыптасқан қасиет. Оқушылардың бойына рухани-адамгершілік қасиеттерін ұялаиу үшін мейірімді, қайырымды бола білуге, достыққа, қайырымдылыққа тәрбиелеу мақсатында Қамқоршылар күні өткізілді.

• Лайых Қайрат: «Балалар өкілеттігі» клубының мүшесі Лайых Қайрат: Мектебімізде «Балалар өкілеттігі» клубы  жұмыс жүргізеді. Біз балалар ортасында жоғары адамгершілік-рухани және құқықтық мәдениетті, патриоттық сезімді, азаматтық жетілуді және әлеуметтік жауапкершілікті қалыптастыру мақсатында жұмыстар жүргізуге көңіл бөлеміз. Сонымен қатар, Балалардың құқықтары мен заңды мүдделерін қорғауға баса назар аударамыз. Соны негізге ала отырып, мектебімізде оқитын достарымызға арнап 29-шы қазан күні қамқоршылық күнін ұйымдастырдық. Ол күні достарымызды құттықтап, олардың жалғыз емес екендіктерін білдіріп, достық, сыйластық ретінде сыйлықтар сыйладық. Достарымыз бізге өз ризашылықтарын ватсап желісі арқылы білдірді. (Видеоролик көрсетіледі)

 №5. Слайдта «Сырғалы қыз» суреті көрсетіліп тұрады.

СРЖ: Қазақ халқы қыз- болашақ ана, шаңырақтың берекесі деп, қыз баланың тәрбиесіне баса мән берген.

Құлағында сыңғырлаған сырғасы бар сұлулардың одан сайын көріктене түсері белгілі. Сырғалы сұлуларға қарап, ақындар өлең арнаса, сазгерлер сырлы ән шығарған. Ал, біз, осы қарапайым өмірде қыздың құлағын не үшін тескеніне үңіліп көрдік пе? Жалпы, қазақ аруларының құлағын қай жаста тескен, сырға салып қоюдың не мәні бар?

«Сырғалы қыз» диалог алаңы»  видеосы жіберіледі.

 (музыка әуенімен сахнаға ұлттық киім киген әже, келіндері шығады)

ӘЖЕ: Әлгі осы үйдің қыздары көрінбейді ғой. (жан-жағына қарап қыздарды іздей бастайды). Қайда жүр екен өздері?! Ойын қуып кеткен шығар, түге! (ойланып)

(Сахнаға жай киінген доп қуалаған қыздар, қуаршақ ойнаған қыздар шығады. Ойындарын тоқтатпай ойнай береді)

Әже: (қыздарды шақырады): Қыздарым-ау, бері келіңдер! Мына жүрістерің не? Сендер ер жетіп келесіңдер, қызға тән қасиеттерің қайда? Әлі доп қуып, қуыршақ ойнап жүрсіңдер?

(қыздар сөзге құлақ аспай ойындарын ойнап, доп қуалап, қуыршақ ойнаған беттерімен сахнадан түсіп кетеді)

Әже ойланып отырады, қыздардың сөзін тыңдамай кеткеніне

Осы кезде «Қазақ қызы» әні музыкасы ойналады, қазақша ұлттық киім киген алты қыз сахнаға шығады.

Әже: (қыздарға қарап) бері жайғасыңдар. Е, жаңа жарасыпсыңдар. Киімдерің қандай керемет! Нағыз қазақтың қыздары. Енді, менің сөзімді тыңдаңдар:

  Қыз баланың өмірінде айтулы күн болады. Ол күн- қыз баланың құлағын тесу, сырға салу күні. Қыздың құлағын жеті жасынан бастап тескен. Мен де бүгін сендерге, айналайын, немерелерім, құлақтарыңа сырға таққалы келіп отырмын.

(музыка әуенімен екі келіні әжеге қыздарға құлақтарына сырға салуға көмектеседі)

Сырға тағып болған соң, сырғалы қыздар өз сөздерін айтады:

1. Жансүйер: Қыз сұлу көрінеді қылығымен,

Жарыса төгілген бұрымымен. (сырғасымен, бұрымымен мақтанып)

1. Айсара: Бұл күнде сұлулықтың үлкені осы,

Қыз сұлу көрінеді сырғасымен (сырғасымен мақтанады)

1. Айша: Қыз сұлу көрінеді шашыменен,

Ай, қабақ, қиғаш, қара қасыменен (шашын, қабағын, қасын  көрсетіп мақатанды)

1. Дария: Қыз сұлу көрінеді толған айдай,

Сырғасы көрінеді жарасқандай. (сырғасымен мақатанды)

1. Іңкар: Қыз ақылды болады, болғысы келсе,

Шыдамды болады- қолынана келсе,

Сұлу болады- уақыт берсе,

Батыр болады- сынға түссе.

1. Амира: Қыз-бұл тек қамқор және мұқият адамның қолында гүлдейтін гүл.

ӘЖЕ: Ал, қыздарым, сендер осы жасқа дейін доп қуып, қуыршақ ойнасаңдар, осы күннен бастап, сырғалы қыз болдыңдар, бүрмелі қыз атандыңдар. Енді сендерге доп қуып, қуыршақ ойнау жараспайды. Сырғалым болғаннан кейін қыз бала қазақ халқының салт-дәстүрін, әдет-ғұрпын сақтап, ибалы қыз болуы керек. т.б.

Менің сендерге ақ батам: (әже бата береді)

Бата беріп болғасын, «Қазақ қызы» әні музыкасы қойылады, әже, екі келіні қыздарды жетелеп сахнадан шығып кетеді)

№6. Слайдтан «Әкеге қарап ұл өсер»  видеосы жіберіледі

• Сахнаға әкесі  шығады да, (сахнаға жайғасады. қолында шежіре кітабы бар), кітапты ақтарып отырып баласын іздейді, дауыстап шақырады: Балам, қайда жүрсің? Бермен келсеңші! (баласы балалармен ұялы телефон, немесе фишка ойнап отырған жерінен тұрып, әкесінің қасына келіп жайғасады
• Баласы: Әке неге шақырдыңыз? Ойынымды бұзып...
• Әкесі: Балам, сен білесің бе, әке қамқорлығы дегеніміз не?
• Баласы: Әке, әке қамқорлығын отбасы мүшелерін әртүрлі пәле-жаладан қорғап отыратын қасиетті ұғым деп білемін.
• Иә, балам, дұрыс айтасың. Сондықтан әкені сыйлау, үлкен құрметпен қарау баланың басты парызымыз екенін ұмытпа!
• Иә, иә, әке
• Әкесі: Халқымызда: «Әкеге қарап ұл өсер, шешеге қарап қыз өсер» деген сөздер бекерге айтылмаса керек. Менің  әкем, сенің Айтжан атаң әкесінен  алған тәрбиесін, үлгі-өнегесін бізге айтып отыратын.Біз сол әке, атаның жолын жалғайтын ұрпақтарымыз, балам!
• Баласы: Сол өнеге үшін де мен әке сізді, атамды мақтан тұтамын. Біздің халқымызда: «Жеті атасын білмеген жетесіз» деген де сөз бар ғой. Мен бүгін сол өз  шыққан тегім туралы айтып берсем деп  едім..
• (әрі қарай слайд арқылы бала сөзін жалғастырады)
• Музыка әуенімен сахнадан шығып кетеді

• Мейрамгуль Ж: Қазір сіздерді «Ұлттық қолөнер-халық қазынасы» көрмесіне шақырамыз. Технология пәнінің маманы Хумар Алиман. (өзі таныстырады)
• Мейрамгуль Ж. : Енді сіздерді, «Атадан балаға мирас болған қолөнер» атты шеберлік сағаты  жұмысын көруге шақырамыз.

Бұл жерде Ахмет Бағдат баласы Есілмен қамшы өруді көрсетеді

(әкесі сөз айтады, одан әрі баласы жалғастырады):

Қамшы- атқа мінген адам ұстайтын бірнеше таспа қайыстармен көмкеріліп, өрілген, сабы тобылғыдан, ырғайдан, аңдардың тұяғы, мүйіздерінен жасалған аттй айдап жүргізетін құрал.

Қамшының өрімі сабынана бір жарым еседей ұзын ұзын болады. Өрімші қамшының таспасын жіңішке не жуандатып, кейде өрімге талшық сымтемір салып өрген. Қамшы саптан, өрімнен, және бүлдіргіден тұрады. Саптың қолға ұстар жері былғарыдан қапталады, кейде қайыстан өрнектеліп өріледі. Қамшы өрудің көптеген түрі бар, соның ішінде үш таспадан, 32 таспаға дейін жететін түрі кіреді. Өрімдер домалақ, жұмыр, төртқырлы болып келеді. Бүгін мен сіздерге көрсетемін: өзі айтады сөзімен бала.

Нұрлан анамыз қызы Алтынаймен тақия тігу өнерін көрсетеді.

(анасы сөз айтады, одан әрі қызы жалғастырады)

• Тақия –ерлердің жеңіл бас киімі. Тақияның түрлері көп: биік төбелі, тегіс төбелі, үшкір төбелі тақия. Өрнектермен кестеленеді, машинамен, қолмен түрлі тігістермен сырылады. Тақияны пүліштен, қыжымнан, ал астарын жібек, сәтенен тігеді. Биік төбелі тақия мен тегіс төбелі тақияның тігілуі бірдей. Ал үшкір төбелі тақияны тіккенде оның етегін жалпақтығын үш елідей етіп, тіктөрт бұрыш етіп қиып алады. Оның төбесі үшбұрыш формалы төрт не алты сайлан құралады. Алдымен оларды тігіс ішіне қаратып құрайды да, сайлардың етегін тақияның етегіне қондырады. Тақия мыжылмай өз формасын сақтап тұру үшін оның астары мен қос астарын беттестіріп жиі етіп сыриды. Одан кейін тысын жауып, шетін басқа түсті матамен әдіптен көмкереді. Біз бүгін сіздерге .... тақия тігуді көрсетеміз. (тігілу жолдарын айтады)
• Келесі маршрут:. Енді сіздерді мәжіліс залына шақырамыз.
•  №7. СРЖ: Балалар жылы аясында ұйымдастырылып отырған: «Өнерлі жастар-болашақ өркені» концерттік бағдарламасын тамашалауға шақырамыз!

1. Айтжан Мақсұтқан: жерлес ағамыз ақын-сазгер Жылқыбаев Сайлау Қабыкенұлының «Бозталым» өлеңін оқиды. Мақсұтқан- аудандық, облыстық  Абай оқуларының жүлдегері.
2. Жансұлтан Индира: «Көңілді күн» әні
3. Қайрат Мерей: «Бағала» әні
4. Қазақша би: 6-сынып қыздары
5. Тайшыбай Қарылғаш: «Ақ бұлақ» әні
6. «Әрқашан күн сөнбесін» әні хор
7. Бақытбек Айым әжесімен «Айым болып тудың ба» әнімен. «Рухани жаңғыру» бағдарламасы аясында өткен аудандық «Екі Жұлдыз» шығармашылық конкурсының Бас жүлде иегерлері, әжесімен немересі.
8. Сағын Мейрхан: «Қызыл раушан» әні
9. Әжелер ансамблі: «Ауылым» әні.
10. Мектебіміздің өнерпазы, «Ойнап айтам» КВН командасының жетекшісі  Байқалған Ердаулеттің  орындауындағы  тамаша әнді қабыл алыңыздар!
11. СРЖ: Құрметті қонақтар, біздің концертіміз өз мәресіне жетті. Назарларыңызға рахмет!
12.  Мейрамгуль Ж. «Ас-адамның арқауы» демекші, сіздерді енді мектеп асханасына түскі асқа шақырамыз!

              Балалар жылы аясында ұйымдастырылып отырған:

         «Өнерлі жастар-болашақ өркені» концерттік бағдарламасы

1. Айтжан Мақсұтқан: жерлес ағамыз ақын-сазгер Жылқыбаев Сайлау Қабыкенұлының «Бозталым» өлеңін оқиды. Мақсұтқан- аудандық, облыстық  Абай оқуларының жүлдегері.
2. Жансұлтан Индира: «Көңілді күн» әні
3. Қайрат Мерей: «Бағала» әні
4. Қазақша би: 6-сынып қыздары
5. Тайшыбай Қарылғаш: «Ақ бұлақ» әні
6. «Әрқашан күн сөнбесін» әні хор
7. Бақытбек Айым әжесімен «Айым болып тудың ба» әнімен. «Рухани жаңғыру» бағдарламасы аясында өткен аудандық «Екі Жұлдыз» шығармашылық конкурсының Бас жүлде иегерлері, әжесімен немересі.
8. Сағын Мейрхан: «Қызыл раушан» әні
9. Әжелер ансамблі: «Ауылым» әні.
10. Мектебіміздің өнерпазы, «Ойнап айтам» КВН командасының жетекшісі  Байқалған Ердаулеттің  орындауындағы  тамаша әнді қабыл алыңыздар!
11.  СРЖ: Құрметті қонақтар, біздің концертіміз өз мәресіне жетті. Назарларыңызға рахмет!

Орындаған директордың тәрбие ісі жөніндегі орынбасары Сақтағанова Р.Ж.